మాటకు ప్రాణం వ్యాకరణం. నియంత్రణ లేని యంత్రము ఎంత నిరూపయోగమో, ఎంత ప్రమాదకరమో వ్యాకరణం రాని వాగ్వ్యాపారమూ అంతే. భాష లోకాన్ని అనుసరించేదే అయినా, సంస్కారాన్ని పెంపొందించడానికి నియామాలు అవసరము. శబ్దము అర్థము కావాలి అన్నా, భావము మదిలో మెదలాలి అన్నా వ్యాకరణజ్ఞానం తప్పక ఉండాలి. ప్రపంచములోనే అతిప్రాచీనమైనది, అతి పటిష్టమైనది సంస్కృతవ్యాకరణం. తెలుగు వ్యాకరణానికి కూడా అదే మూలం. సాక్షాత్తు ఈశ్వరుని డమరుకనాదమును నుండి పుట్టిన అక్షర సముదాయము పాణిని మహర్షి పటిష్టమైన సూత్ర నిర్మాణమున ఒదిగి, విస్పష్టమైన భాషగా ఎదిగింది. ప్రపంచములో ఎన్నో భాషలకు ఆధారమై నిలిచింది. అటువంటి సంస్కృత భాషను స్థిర పరచిన పాణిని వ్యాకరణమును, సాధికారత కలిగిన గురువుల బోధతో నేర్చుకుందాం.